På Skotten Seter har me 20 huskyar som nesten ikkje klarer å vente med å kome seg ut på tur kvar dag! No kan du få oppleve spenninga med å køyre ditt eige hundespann.

​

Før me legg ut på eventyr, sørgjer me for at du har varme og gode klede. Deretter får du ei grundig opplæring i korleis du styrer ein hundeslede. Når du er klar, tek me turen inn i hundegarden for å helse på dei firbeinte heltane. Saman med ein annan gjest får du ansvaret for fire hundar – dine turkameratar for dagen.

​

Hundane er ivrige og klare for avgang. Når alt er gjort klart, opnar me porten, og så bær det av stad! Snart legg roen seg, og det er berre å nyte turen gjennom det vakre vinterlandskapet. Me køyrer gjennom skog, over myrer og gjennom vakkert vinterlandsskap.

​

Sjølve sledeturen varer om lag ein time, og halvvegs byter me slik at begge får prøve å styre. Tilbake i hundegarden fortener dei firbeinte ein god dose kos og ein takk for innsatsen.

​

Til slutt samlast me rundt bålet med noko varmt i koppen og ein liten godbit. Her fortel Tuva meir om hundekøyring, og du får sjansen til å stille alle dei spørsmåla du måtte ha om livet med huskyar.

​

Dette er ei oppleving du seint vil gløyme❄️🐕✨